دہلی این سی آر میں ایک بار پھر سے کورونا انفیکشن کی دستک کے بعد ریاست اترپردیش کے ضلع میرٹھ میں بھی کورونا نے اپنا اثر دکھانا شروع کر دیا ہے۔
عوام میں کورونا وبا کو لے کر لاپرواہی بھی برتی جا رہی ہے، ساتھ ہی میرٹھ کے بازاروں میں بھی کچھ ایسا ہی نظارہ دیکھا جا رہا ہے۔
وہیں دوسری جانب اس کو لے کر لاپروائی بھی دیکھی جا رہی ہے،بازاروں میں احتیاطی تدابیر کو درکنار کر ماسک اور سماجک دوری والا فارمولا بھی نہ کامیاب ثابت ہو رہا ہے۔
اس کے باوجود دکاندار اور ویاپار سنگھ کے ذمہ داران عوام سے اپیل کے ساتھ ہی کورونا انفیکشن کو لیکر پولیس کی کارکردگی پر سوالیہ نشان بھی اٹھا رہے ہیں۔
ان کا کہنا ہے کہ مقامی پولیس انفیکشن کے نام پر عوام کا استحصال کر رہی ہے۔
غورطلب ہے کہ دہلی این سی آر کے بعد میرٹھ میں جس طرح سے کورونا کے معاملے میں تیزی دیکھی جارہی ہے اس سے یہی لگتا ہے کہ اگر اسی طرح کی لاپروائی عوام بر تی رہی تو اس کے اور برے نتائج دیکھنے کو مل سکتے ہیں۔
ضرورت ہے کہ حکومت اور محکمہ صحت کی گائیڈ لائن پر پوری طرح سے عمل کریں تاکہ انفیکشن سے خود کے علاوہ دوسروں کو بھی بچایا جا سکے۔
