اتر پردیش مدرسہ تعلیمی بورڈ لکھنؤ کی آج ایک اہم میٹنک منعقد ہوئی جس میں متعدد اہم فیصلے مدارس میں تعلیم و تعلم کے سلسلے میں لیے گئے۔
اس میٹنگ کی صدارت مدرسہ تعلیمی بورڈ کے چیئرمین ڈاکٹر افتخار احمد جاوید نے کیا، جب کہ مدرسہ تعلیمی بورڈ کے تمام اراکین سمیت رجسٹرار آر پی سنگھ بھی موجود رہے۔
مٹینگ میں مدرسہ بورڈ نے کامل و فاضل کے سال آخر کے امتحانات اکتوبر ماہ میں 25 سے 30 تاریخ کے درمیان کرانے کا فیصلہ کیا ہے۔
آنے والے تعلیمی سیشن میں این سی ای آر ٹی کے نصاب کے مطابق سینئر سیکنڈری تک مدارس کے نصاب میں ابتدائی (میتھمیٹکس) ریاضی ابتدائی تاریخ اور سماجی علوم کو لازمی مضامین کے طور پر شامل کرنے کا فیصلہ کیا ہے۔
اتر پردیش مدرسہ ٹیچرز کے فوقانیہ تحتانیہ کے عہدوں پر مستقل تقرری ہونے تک حکومت سے اجازت لیکر آؤٹ سورسنگ کے ذریعے ملازمین رکھے جانے کا فیصلہ کیا ہے۔
یہ بھی پڑھیں: یوپی مدرسہ بورڈ جلدی ہی موبائل اپلیکیشن لانچ کرے گا
مدرسہ بورڈ کی تمام تر کارروائی کو ڈیجٹلائیزیشن کے لیے آئی ٹی سیل کی تشکیل دینے کا فیصلہ کیا گیا ہے۔ اس کے علاوہ بھی کئی اہم مسائل زیر غور ہیں جن پر آئندہ میٹنگ میں فیصلہ لیے جانے کی توقع ہے۔
