ریاست اترپردیش کے شہر میرٹھ میں بھارتیہ جنتا پارٹی کے سابق کونسلر نے پھانسی لگا کر زندگی کا خاتمہ کر لیا۔
اترپردیش کے شہر میرٹھ میں بی جے پی کے ایک سابق کونسلر نے گزشتہ روز پھانسی لگا کر خود کشی کر لی ان کے پاس سے برآمد خودکشی نوٹ کافی حیران کن ہے۔
اس نوٹ کے مطابق سابق کونسلر نوٹ بندی کے بعد سے پریشان تھے اور اسی وجہ یہ قدم اٹھایا۔
پولیس نےخودکشی نوٹ کو قبضے میں لے کر اس کی جانچ شروع کر دی ہے۔
علاقے کے ایس پی سی ٹی اکھلیش نارائن سنگھ نے بتایا کہ مہلوک کا نام کا نام ستیش چند ہے، اور اس کی لاش کے پاس سے 4 صفحے کا ایک خودکشی نوٹ بھی ملا ہے۔
حالانکہ انہوں نے یہ نہیں بتایا کی کونسلر نے اس نوٹ میں وجہ کیا لکھی ہے، خودکشی نوٹ کے بارے میں پوچھے جانے پر ایس پی نے صرف اتنا ہی بتایا کہ سوسائڈ نوٹ کی جانچ کرائی جا رہی ہے اس کے بعد ہی کچھ کہا جا سکے گا۔
ٹی پی نگر تھانہ پولیس کے مطابق ونڈر سٹی سیکنڈ کالونی میں واقع ایک خالی فلیٹ میں گزشتہ روز بی جے پی کے سابق کونسلر کی لاش مشتبہ حالات میں پھندے سے لٹکی ہوئی ملی۔
پولیس کو موقع سے 4 صفحے کا سوسائڈ نوٹ، شراب کی بوتل اور سگریٹ وغیرہ برآمد ہوئے ہیں، شہر کے بھگوت پورا رہائشی ستیش، چاندی کے تھوک کاروباری تھے۔پسماندگان میں بیوی اور ایک بیٹی ہے۔
