مشرقی اترپردیش کی سب سے بڑی پھول منڈی بنارس میں ہے جہاں سے بڑے پیمانے پر مختلف اضلاع کے لوگ پھول کی خرید و فروخت کرتے ہیں۔
دیوالی کے موسم میں پھول کا کاروبار زوروں پر ہوتا ہے لیکن رواں برس کورونا وائرس کی وجہ سے پھول کے کاروباری و کسان مایوسی کا اظہار کر رہے ہیں۔
ای ٹی وی بھارت سے بات کرتے ہوئے پھول فروخت کرنے والی خاتون پنا دیوی بتاتی ہیں کہ رواں برس پھول کی قیمت میں اضافہ ہونے کی وجہ سے زیادہ تر خریدار مصنوعی پھول کی جانب مائل ہوئے ہیں یہی وجہ ہے کہ پھول منڈی میں کاروبار سست ہوا ہے۔
انہوں نے بتایا کہ کورونا وائرس بھی اہم وجہ ہے جس کی وجہ سے کسانوں نے بڑے پیمانے پر پھول کی کھیتی نہیں کی اور منڈی میں کثیر مقدار میں پھول نہیں آیا۔ اس وجہ سے بھی پھول کافی مہنگا رہا، خریدار مصنوعی پھول کی جانب مائل رہے۔
کاروباری امید کر رہے تھے کہ رواں برس دیوالی میں پھول کا اچھا کاروبار ہوگا لیکن کورونا وائرس کی وجہ سے یہ کاروبار شدید متاثر رہا۔
