مئو میں ٹیکا کاری پروگرام شروع

ریاست اترپردیش کے مئو ضلع کے سرکاری اسپتالوں میں ٹیکا کاری پروگرام شروع کر دیے گیے ہیں۔ یہاں بچوں کو مختلف بیماریوں سے محفوظ رکھنے کے لیے ٹیکے لگائے جا رہے ہیں۔

کورونا وبا کی وجہ سے ٹیکا کاری پروگرام ملتوی کر دیا گیا تھا۔ نئے سرے سے شروع ہوئے ٹیکا کاری پروگرام میں حکومت کی گائیڈ لائن کے مطابق احتیاط برتی جا رہی ہے۔

ڈاکٹروں کے مطابق ٹیکا کاری پروگرام شہروں کے علاوہ دیہی علاقوں میں بھی جاری ہے۔ مقصد ہے زیادہ سے زیادہ خاندانوں کو ٹیکا کاری پروگرام کے دائرے میں لانا۔

اس کام کے لیے پورے ضلع میں 22 ٹیمیں مختص کی گئی ہیں۔ ٹیکا کاری پروگرام کو کامیاب بنانے کے لیے این جی اوز کی بھی مدد لی جا رہی ہے۔

این جی او کارکن اسپتال اسٹاف کے ساتھ ساتھ مل کر اس مہم کو جاری رکھے ہوئے ہیں۔ ٹیکا کاری پروگرام کے سلسلے میں اقلیتی آبادی والے علاقوں میں کافی بیداری محسوس کی جا رہی ہے۔

یہاں مائیں اپنے بچوں کی ٹیکا کاری کے لیے سرکاری اسپتالوں میں آرہی ہیں۔

ڈیڑھ ماہ، ساڑھے تین ماہ اور 9 ماہ کے وقفے والے نمونیا کے نئے ٹیکے بچوں کو خاص طور پر لگائے جا رہے ہیں۔