مراد آباد: ماہ محرم کے چلتے ملک بھر میں عزاداری، مجالس، ماتم اور جلوس کا سلسلہ جاری ہے۔ ریاست اتر پردیش کے مرادآباد آزاد نگر امام بارگاہ میں مجلس کا انعقاد کیا گیا جس میں مولانا سید رضوان حیدر رضوی نے کربلا کے واقعات کا ذکر کیا۔ Procession of Muharram اپنے خطاب میں مولانا سید رضوان شہادت حسین اور کربلا کے فکر انگیز واقعات بیان کئے۔ انہوں نے بتایا کہ ماہ محرم کی 6 تاریخ حضرت امام حسینؓ کے چھ ماہ کے بیٹے علی اصغر کی شہادت سے منسوب ہے۔ حضرت امام حسینؓ کے 6 مہینے کے بیٹے کو یزید نے کربلا میں بھوکا پیاسا شہید کر دیا تھا۔ Faithful Remember the Imam Hussain's Sacrifice at Karbala
واقعہ کربلا بیان کرتے ہوئے مولانا نے مزید کہا کہ 'حضرت امامؓ اپنے بیٹے حضرت علی اصغر کے لیے پانی مانگتے رہے لیکن یزید نے پانی نہ دے کر حضرت علی اصغر کے گلے پر بھالے مار کر انہیں شہید کر دیا تھا۔
حضرت علی اصغر کے گلے میں تیر لگنے کے بعد جب حضرت امام حسینؓ نے اپنے بیٹے کے خون کو آسمان کی طرف اچھالنا چاہا تو آسمان سے آواز آئی اگر یہ خون آسمان کی طرف آتا ہے تو قیامت تک بارش نہیں ہوگی اور جب زمین پر خون کو گرانا چاہا تو زمین سے آواز آئی اگر خون زمین پر گرا تو قیامت تک اناج پیدا نہیں ہوگا۔ جب حضرت امام حسینؓ نے یہ باتیں سُنی تو انہوں نے اپنے بیٹے کا خون اپنے چہرے پر لگا لیا۔
