پارٹی نے عوام کی خدمت کا دیا تو ضرور ان کی امیدوں پر اتروں گا: صغیر سعید

ملک کی سب سے بڑی ریاست اترپردیش میں آئندہ سال ہونے والے اسمبلی انتخابات کو لے کر سبھی سیاسی پارٹیوں کے رہنما تیاری میں لگ گئے ہیں. اس ضمن میں مرادآباد میں کانگریس سیوا دل کے کارکنان کی میٹنگ منعقد ہوئی، جس میں صغیر سعید کو امیدوار بنانے کا مطالبہ کیا گیا۔

اترپردیش اسمبلی انتخابات کے نزدیک آتے ہی صوبے کی سیاست اب گرم ہونے لگی ہے۔ سبھی سیاسی پارٹیاں 2022 کے انتخابات کے لیے میٹنگ کر رہی ہیں۔ سیاسی پارٹیوں کے سینئر لیڈروں نے اپنی امیدواری کا دم بھرنا شروع کر دیا ہے۔ مرادآباد میں اترپردیش کانگریس سیوا دل کے جنرل سیکرٹری صغیر سعید نے مرادآباد سے اسمبلی انتخابات میں امیدوار بنائے جانے کا مطالبہ کیا ہے۔

صغیر سعید نے ای ٹی وی بھارت سے بات چیت کرتے ہوئے کہا کہ اگر اعلیٰ کمان مجھے آنے والے اسمبلی انتخابات میں کانگریس امیدوار بناتی ہے تو میں الیکشن لڑوں گا اور بھاری ووٹ سے جیت حاصل کرکے کانگریس کو مضبوط کرنے کا کام کروں گا۔ مرادآباد کی عوام چاہتی ہے کہ میں الیکشن لڑوں اور الیکشن جیت کر عوام کی خدمت کروں۔

پارٹی نے عوام کی خدمت کا دیا تو ضرور ان کی امیدوں پر اتروں گا: صغیر سعید

صغیر سعید نے آگے مزید کہا کہ مرکزی حکومت اور صوبائی حکومت کی جانب سے عوام کو مہنگائی کے سوا کچھ نہیں ملا، ہر روز مہنگائی بڑھتی جارہی ہے، پیٹرول اور ڈیزل کے دام آسمان چھورہے ہیں لیکن حکومت کو عوام کی کوئی فکر نہیں ہے۔

مہنگائی اور بے روزگاری موجودہ سرکار کو آنے والے وقت میں سبق سکھائے گی اور کانگریس ریاست اور مرکز میں اپنی حکومت بنائے گی۔