مرکزی حکومت کے وزارت آیوش نے بھارت میں کورونا وائرس سے دفاع کے لیے جاری اپنی ایڈوائزری میں کہا ہے کہ وقت رہتے کورونا سے بچاؤ کر کے اس سے ہونے والے سنگین نتائج سے بچا جا سکتا ہے۔سینٹرل کو نسل فار ریسرچ ان ہومیوپیتھی کے سائنسی صلاح کار بورڈ نے کورونا وائرس کے انفیکشن پھیلنے سے روکنے کے لیے ہومیوپیتھی کی آرسینیکم البم -30 کو تین دن تک خالی پیٹ لینے کو بہتر اور موثر قرار دیا ہے۔
اس تناظر میں لکشے سوسائٹی فار سوشل اینڈ انوائرمینٹل ڈیولپمنٹ کی بانی اور صدر پرتیما برما کا ماننا ہے کہ بیماری کا علاج کرانے سے بہتر ہے کہ اس کا دفاع کیا جائے۔ اسی سوچ کے ساتھ انہوں نے آج ٹاٹا پروجیکٹ پرائیویٹ لمیٹڈ کے سر گنگا رام ہسپتال کی سائٹ پر تقریباً 200 ملازمین کو قوت مدافعت کو بڑھانے کے لئے آرسینیکم البم -30 دوا تقسیم کی۔
اس موقع پر پریتیما کماری اور ان کی ٹیم نے ملازمین کو کورونا وائرس سے بچاؤ کے طریقے جیسے کہ ماسک لگانا، ہاتھ دھونا اور دوری بنائے رکھنے سے متعلق جانکاری بھی دی۔
یہ بھی پڑھیں:گئوکشی کے الزام میں این ایس اے کے تحت کارروائی کی تفصیلات
