تیز رفتار بس بنی دو نوجوانوں کی ہلاکت کا سبب

ریاست اترپردیش کے سہارنپور میں واقع دہرہ دون ہائیوے پر ایک تیز رفتار بس نے دونوجوانوں کو  زبردست ٹکرمار دی، جس سے موقع پر ہی دونوں کی موت ہوگئی۔

ریاست اترپردیش میں آئے دن سڑک حادثات ہوتے رہتے ہیں۔

سہارنپور میں واقع دہرہ دون ہائیوے بھی عوام کے لیے غیر محفوظ سمجھی جاتی ہے۔ یہاں آئے دن حادثات پیش آتے رہتے ہیں۔

اسی طرح کا نہایت ہی افسوسناک حادثہ اس وقت پیش آیا، جب دو نوجوان اپنے گھر واپس جارہے تھے۔

عینی شاہدین کے مطابق ' ایک تیز رفتار بس نے دونوجوانوں کو زبردست ٹکرمار دی، جس سے موقع پر ہی دونوں کی موت ہوگئی '۔

پولیس نے اطلاع ملتے ہی دونوں کو ہسپتال پہنچایا جہاں ڈاکٹروں نےانہیں مردہ قرار دے دیا۔

بس ڈرائیور کو حراست میں لے لیاگیا اور بس بھی پولیس نے اپنی تحویل میں لے لی ہے۔

ہلاک شدگان کی شناخت 45 سالہ پرمود اور 17 سالہ مہتاب کے طور کی گئی ہے۔

ایس پی سٹی ونیت بھٹناگر نے بتایاکہ ' دونوں نوجوان بائک سے بیٹری بدلنے جارہے تھے، اچانک بس کی ٹکر لگنے کے سبب دونوں کی موت ہوگئی، دونوں لاشیں پوسٹ مارٹم کے لئے بھجوا دی گئی ہیں، بس ڈرائیور کو گرفتار کرلیا گیا ہے، اس کے خلاف قانونی کارروائی عمل میں لائی جائیگی '۔