لاکھوں کی مالیت کا گانجہ برآمد، متعدد گرفتار

اترپردیش کے ضلع میرٹھ میں سنیچر کو اسپشل ٹاسک فورس(ایس ٹی ایف) نے سرور پور علاقے میں 235 کلو گانجا ضبط کر کے اس ضمن میں دو اسمگلروں کو گرفتار کیا ہے۔

پولیس ذرائع نے بتایا کہ ایس ٹی ایف نے صبح 235 کلو گانجے کے ساتھ دو اسمگلروں کو گرفتار کیا ہے۔ دونوں ہی ملزم گانجے کو وشاکھا پٹنم سے ایک ٹرک میں لاد کر اترپردیش کے ضلع شاملی لےجارہے تھے۔

مخبر کی اطلاع کی بنیاد پر سرور پور کے نزدیک ایس ٹی ایف و پولیس کی مشترکہ ٹیم نے دونوں ملزموں کو گرفتار کرلیا۔

گرفتار کیے گئے ملزموں کی شناخت عابد اور ندیم کے طور پر ہوئی ہے۔دونوں ضلع شاملی کے رہنے والے ہیں۔