ملک میں لاک ڈاون کے دوران انتہائی چوکسی اختیار کی گئی لیکن لاک ڈاون کی برخاستگی کے بعد لوگ کورونا کو لیکر کافی بداحتیاطی کررہے ہیں۔
لاک ڈاؤن بعد حکومت کی جانب سے سخت اصول و ضوابط نافذ کئے تھے تاہم آہستہ آہستہ لوگ اس پر عمل کرنے سے احتراز کرنے لگے۔ تمام مارکیٹ کو کھول دیا گیا اور آمد و رفت کےلیے گاڑیوں سے پابندی ہٹا دی گئی۔
فی الحال مارکٹ میں لوگ بے خوف و خطر بغیر کسی احتیاط کے گھوم پھر رہے ہیں اور بسوں میں سفر کر رہے ہیں۔ بسوں میں سماجی فاصلہ ندارد ہے۔ کنڈیکٹر بھی اس پر نہ ہی عمل کر رہے یں اور نہ ہی مسافرین کو ترغیب دے رہے ہیں۔
اترپردیش میں تمام مارکٹز میں ہجوم دیکھا جارہا ہے۔ لوگوں کے ہجوم کو دیکھ کر ایسا لگتا ہے کہ کورونا پوری طرح ختم ہوگیا۔ مارکٹ میں گھومنے والے افراد نہ سماجی فاصلہ کا خیال رکھ رہے ہیں اور نہ ہی ماسک کا استعمال کر رہے ہیں۔
اس سلسلہ میں سینئر صحافی سدھانشو مشرا نے ای ٹی وی بھارت سے بات کرتے ہوئے حکومت سے مطالبہ کیا کہ کورونا سے بچاؤ کےلیے لوگوں میں شعور بیدار کیا جانا چاہئے تاکہ کیسز کی بڑھتی تعداد میں کمی لائی جائے۔
