آل انڈیا حج کمیٹی کی جانب سے عازمین حج کو ٹریننگ دینے کے لیے ٹرینر مقرر کیے جاتے ہیں۔ اس کے تحت اس مرتبہ اترپردیش کے ضلع بریلی سے دو ٹرینر منتخب کیے گئے ہیں جو حج ٹریننگ کیمپ میں حجّاج کرام کو ٹریننگ دیں گے۔
حج کمیٹی آف انڈیا نے حج پر جانے والے دو لاکھ حاجیوں کی سہولت کے لیے حج ٹرینرز تیار کیے ہیں۔
ان ٹرینرز کو بھی گزشتتہ روز ممبئ میں ٹریننگ دی گئی۔ بریلی سے حاجی یاسین قریشی اور حاجی رئیس احمد کو ٹرینر منتخب کیا گیا ہے۔
اس مرتبہ عازمین حج کے لیے جب ٹریننگ کیمپ شروع ہوں گے تو کچھ نئے نکات پر مشتمل ٹریننگ دی جائے گی۔
مثلاً بیماریوں اور انفیکشنس سے بچنے کی ترکیب، زیادہ ہجوم میں کیسے چلنا ہے تاکہ ایک جگہ پر جام نہ ہو، آگ سے ہونے والے حادثات سے بچنے اور خود کی حفاظت کرنے کے اقدامات، عازمین کی حفاظت کیسے کرنی ہے جیسے اہم نکات بھی ٹریننگ کا حصّہ ہوں گے۔
اس کے علاوہ سفرِ حج کے لیئے گھر سے نیت کرنے سے لیکر حج مکمل کرنے تک تمام ارکان کے بابت تفصیل سے بتایا جائےگا۔ جس سے حج پر جانے کے بعد کسی عازم حج کو کم معلومات یا لاعلمی کی وجہ سے افسردہ نہ ہونا پڑے۔
خاص طور پر کورونا وائرس سے پوری دنیا میں عجب کا خوف ہے۔ وہاں ہلاکین کی تعداد میں دن بہ دن اضافہ ہو رہا ہے۔
لہزا دورانِ حج ہاتھ ملانا، گال سے گال ملانا، چھینک سے بچنا، ہاتھوں کو کھانے سے پہلے اور بعد میں سابن سے اچھی طرح دھونا، باہر سے کمرے یا مسافر خانہ میں آنے کے بعد بھی ہاتھوں اور چہرے کو اچھی طرح دھونا بیماری سے بچنے کی بہتر علامت ہے۔
ممبئ سے واپس لوٹے ٹرینر تمام اضلاع میں حکومت کی جانب سے لگائے جانے والے ٹریننگ کیمپوں میں عازمین کو ٹریننگ دینگے۔
کیمپوں میں ہی عازمین کا میڈیکل ٹیسٹ ہوگا اور فٹنیس سرٹیفکیٹ بھی تقسیم کیا جائےگا۔
اس مرتبہ آل انڈیا حج کمیٹی نے کئ دیگر مسائل پر بھی غور و فکر کرتے ہوئے نئے مشورے اور تجویز کے مطابق ٹریننگ دینے کو منظوری دی ہے۔
