اترپردیش کے ضلع بستی میں ہریا علاقے سے پولیس نے بیت الخلاء کی تعمیر میں 65 لاکھ 59 ہزار روپے کے غبن کے معاملے میں ملزم گرام پنچایت افسر کو گرفتار کرلیا ہے۔
پولیس نے بتایا کہ ہریا پولیس نے بیت الخلاء تعمیر میں 65 لاکھ 59 ہزار روپے دھوکہ دہی سے غبن کرنے کے الزام میں پنچایت افسر انل کمار باشندہ رام گڑھ خاص کو آج اس وقت گرفتار کیا جب وہ فرار ہونے کی کوشش میں تھا۔
انہوں نے بتایا کہ اس کے خلاف ہریا تھانے میں دفعہ 419، 420406، 409 کے تحت مقدمہ درج کرایا گیا تھا۔ گرفتار گرام پنچایت افسر انل کمار کیشوا پور، بانس گاؤں، بھان پور اور مجھگوا میں پنچایت افسر کے عہدے پر تعینات تھا۔ گرفتار ملزم کو جیل بھیج دیا گیا ہے۔
