چوری پر قابو پانے کے لیے راشن کی ڈور اسٹیپ ڈیلیوری

راشن کی چوری پر قابو پانے کے لیے نوئیڈا میں حکومت کی طرف سے راشن کی دکانوں تک براہ راست راشن پہنچایا جا رہا ہے۔

ریاست اتر پردیش کے ضلع نوئیڈا میں فوڈ سیکیورٹی ایکٹ کے شفاف اور عوامی فلاح و بہبود کے نفاذ میں حکومت کی ترجیحات کے مطابق علاقے میں کھانے کے گودام سےبراہ راست راشن کی دکانوں تک راشن پہنچایا جا رہا ہے۔

ضلع نوئیڈا کے ڈسٹرکٹ میجسٹریٹ بی این سنگھ کے حکم کے بعد محکمہ فوڈ اینڈ سپلائی کے گودام دادری سے گریٹر نوئیڈا کے راشن ڈیلر شیودت شرما کو ڈور اسٹیپ ترسیل کے ذریعہ ان کے اسٹیبلشمنٹ میں اناج حاصل کرایا گیا۔

اس موقع ڈسٹرکٹ سپلائی آفسر راج نارائن یادو نے بتایا 'ڈور اسٹیپ ڈلیوری کے ذریعے راشن تمام راشن فروخت کنندگان کو دستیاب کرایا جا رہا ہے۔

واضح رہے کہ ایک ہفتہ قبل ہی ڈی ایم بی این سنگھ نے گرین سگنل دکھا کر ڈور اسٹیپ ڈیلیوری وین کو روانہ کیا تھا۔ جس کا کافی دنوں سے مطالبہ کیا جا رہا تھا۔ حکام کا ماننا ہے کہ اب اس قدم سے کافی حد تک چوری پر قابو پایا جاسکتا ہے اور شفافیت بھی برقرار رہے گی۔