بارہ بنکی: کانگریس کارکنان کا وزیر اعلی کے نام میمورنڈم

کانگریس کے کارکنان نے شہر کے عوامی مسائل کے پیش نظر اے ڈی ایم سندیپ کمار گپتا کو وزیر اعلی کے نام میمورنڈم پیش کیا ۔

ریاست اتر پردیش کے بارہ بنکی میں آج کانگریسی کارکنان نے شہر کے عوامی مسائل کے پیش نظر اے ڈی ایم سندیپ کمار گپتا کو وزیر اعلی کے نام میمورنڈم پیش کیا۔

اس دوران کانگریس نے حکومت پر الزام عائد کرتے ہوئے کہا کہ حکومت کورونا کے بہانے عوامی مسائل کو نظر انداز کر رہی ہے جس سے عوام کو مزید پریشانیوں کا سامنا کرنا پڑ رہا ہے۔

کانگریسی کارکنان کا کہنا تھا کہ شہر کی سڑکیں خستہ حالی کا شکار ہے، بجلی جیسی بنیادی ضرورتوں سے ضلع کے لوگ محروم ہیں، شہر میں حکومتی عمارتوں کی حالت بدتر ہے۔ بیت الخلا جیسی اہم ضروتوں کا کوئی مناسب انتظام نہیں ہے، ان تمام مسائل کو لے کر کانگریس کارکنان نے اے ڈی ایم سندیپ کمار گپتا کے ذریعے وزیر اعلیٰ کے نام میمورنڈم پیش کیا اور ان مسائل کو حل کرانے کا مطالبہ کیا ہے.