بھارتی ریاست اتر پردیش کے ضلع میرٹھ کے کلکٹر دفتر کے سامنے 'سوشل ڈیموکریٹک پارٹی آف انڈیا' کے درجنوں کارکنوں نے خواتین کے ساتھ ہونے والے مظالم کے خلاف احتاج کیا۔
پارٹی کے درجنوں کارکنوں کے ہاتھوں میں پلے کارڈ تھے جن پر خواتین کے حق میں، اور حکومت مخالف نعرے تحریر تھے۔ احتجاجی کارکنوں نے حکومت سے مطالبہ کیا کہ خواتین کے خلاف ہونے والے مظالم کے لئے 'فاسٹ ٹریک عدالتیں' قائم کی جائے۔
پارٹی کے ریاستی جنرل سیکریٹری فرمان علی نے ای ٹی وی بھارت سے بات کرتے ہوئے کہا 'موجودہ حکومت خواتین کو تحفظ فراہم کرنے میں مکمل طور ناکام ہوچکی ہیں۔
انہوں نے کہا خواتین کے خلاف زیادتی روز کا معمول بن چُکی ہے جبکہ حکومت لوگوں کا دھیان بھٹکانے کے لئےمختلف حربے استعمال کر رہی ہیں۔
ان کے مطابق 'اناؤ آبروریزی و قتل معاملے میں متاثرہ لڑکی زندگی کی دُہائی دیں رہی تھی لیکن اس کی زندگی بچائی نہیں جاسکی کیونکہ حکومت خواتین کو تحفظ فراہم کرنے میں سنجیدہ نہیں ہیں'۔ انہوں نے کہا حکومت کی بے حسی کے خلاف سوشل ڈیموکریٹک پارٹی احتجاج کرنے پر مجبور ہوگئی ہیں۔
انہوں نے حکومت سے مطالبہ کیا کہ خاطی افراد کے خلاف سخت کاروائی کی جائے اور ملزمین کے لئے بِلا تاخیر 'فاسٹ ٹریک عدالتیں' قایم کی جائے۔
