اپنے طے شدہ پروگرام کے تحت بہرائچ پہنچتے ہی اترپردیش کی گورنر آنندی بین پٹیل نے بہرائچ میڈیکل کالج کا مشاہدہ کیا۔
بہرائچ میڈیکل کالج میں پہنچ کر انھوں نے مریضوں کی خیریت دریافت کرنے کے بعد گونگے بہرے بچوں کے اسکول گئی جہاں معذور بچوں کے ساتھ کچھ وقت گزارا اور متعلقہ افسران کو ہدایت کی کہ وہ بہتر سہولیات فراہم کریں۔
اس کے بعد گورنر نے پی ڈبلو ڈی گیسٹ ہاؤس آکر اعلیٰ افسران سے میٹنگ کی اور خواتین کے گروپ سے ملاقات بھی کی۔
گورنر کے اس پورے دورہ کے دوران انہیں جن کسانوں سے ملاقات کرنی تھی ان کو وہاں تک جانے ہی نہیں دیا گیا اس کے علاوہ ضلع صحافیوں سے بھی گورنر کی ملاقات یا پریس کانفرنس نہیں کرائی گئی۔
اس بابت جب اعلیٰ افسران سے وجہ جاننے کی کوشش کی گئی تو لکھنو سے آۓ ان کے حفاظتی دستے کا حوالہ دے کر ٹال دیا گیا-گورنر اترپردیش اس آدھے ادھورے دورہ میں اعلیٰ افسران سے گھری رہیں انہیں کسی سے ملنے نہیں دیا گیا اور افسران سے میٹنگ کر واپس لکھنو روانہ ہو گئیں۔
