مظفرنگر: ایس ڈی ڈگری کالج مظفر نگر کے زیر اہتمام گو گرین ویک کے عنوان پر مختلف پروگرام منعقد کیے گئے، جس کے تحت 18 اپریل کو پانی کے تحفظ پر ایک سیمینار کا انعقاد کیا گیا۔ 19 اپریل کو طلباء اور اساتذہ کی جانب سے ماحولیاتی بیداری پر ایک ریلی نکالی گئی اور کالج کے آڈیٹوریم میں اسی موضوع پر لیکچر پیش کرتے ہوئے پانی کے تحفظ کے لیے مختلف اقدامات پر تفصیل سے تبادلہ خیال کیا گیا۔Go Green Earth Week' program ends in Muzaffarnagar
20 اپریل کو پلاسٹک کے استعمال سے ہونے والے نقصانات اور بیماریوں کے موضوع پر تفصیل سے بات کی گئی اور اسے کم سے کم استعمال کرنے پر بھی غور و فکر کیا گیا۔ 21 اپریل کو سیو پلانٹ آرتھ کے تحت پوسٹر مقابلے کا انعقاد کیا اور 22 اپریل کو کالج کے کیمپس میں پودے لگائے گئے اور پلاسٹک پولی تھین کے بائیکاٹ کی عوامی آگاہی کے لیے ایک آگاہی ریلی نکالی گئی۔
اس ریلی میں طلبہ کی جانب سے سڑکوں پر پھینکے گئے پولیتھین اور پلاسٹک وغیرہ کو جمع کرکے انہیں کوڑے دان میں ڈالا گیا اور صاف ستھرائی کا عوام کو میسیج دیا گیا۔ مہمان خصوصی کی حیثیت سے اترپردیش آلودگی کنٹرول بورڈ کے انجینئر عمران علی رہے، جنہوں نے آلودگی پر قابو پانے کے لیے مفید معلومات فراہم کرائیں، اس پروگرام میں پرنسپل اساتذہ ٹیچنگ اسٹاف اور طلبہ کا بھرپور تعاون رہا۔
یہ بھی پڑھیں: بارہ بنکی: 'ورلڈ ارتھ ڈے' پر تقسیم کیے گئے مٹی کے قاسے
