ہوٹل میں لڑکی کو گولی مار دی

اترپردیش کے ضلع وارانسی کے سگرا علاقے میں پیر کو ہوٹل میں ایک لڑکی کو نامعلوم افراد نے گولی ماردی جس سے اس کی موت ہوگئی۔

پولیس ذرائع نے بتایا کہ شہر کے منڈواڈیہہ علاقے میں رہنے والی شویتا سنگھ کی لاش سگرا علاقے ایک ہوٹل میں ملی ہے۔

انہوں نے بتایا کہ حادثے کی اطلاع ملتے ہی سینئر سپرنٹنڈنٹ آف پولیس آنند کلکرنی دیگر پولیس افسران کے ساتھ موقع وارات پر پہنچ کر ہوٹل کا جائزہ لیا۔

ذرائع نے بتایا کہ پولیس نے لاش کو اپنے قبضے میں لے کر اسے پوسٹ مارٹم کے لئے بھیج دیا ہے۔

اس معاملے میں ہوٹل مالک سمیت چار ملازمین کو حراست میں لے کر ان سے پوچھ گچھ کی جارہی ہے۔