لکھنؤ میں منعقد سیمینار کو خطاب کرتے ہوئے مولانا حیدر چترویدی نے کہا کہ انسانیت کے پیغام کو عام کرنا ہم سب کی ذمہ داری ہے۔
گایتری منتر اور سورہ فاتحہ کے مفہوم میں یکسانیت
انہوں نے مزید کہا کہ رگوید کا گایتری منتر اور قرآن کی سورہ فاتحہ یکسانیت ہے اور دونوں کا مفہوم تقریباً ایک ہی ہے۔
مولانا چترویدی نے کہا کہ ہم سبھی ایک دوسرے مذاہب کی عزت کریں۔ انہوں نے مزید کہا کہ بھارت ایک ایسا ملک ہے جہاں پر گنگا جمنی تہذیب کی ہوا قدیم زمانے سے بہتی آرہی ہے۔ لہذا ہمیں اس تہذیب کو برقرار رکھنا چاہیے۔
اس موقع پر ڈاکٹر سنجے شکلا نے ہندو مسلم اتحاد پر روشنی ڈالتے ہوئے کہا کہ ہم دونوں مذاہب کے لوگوں نے بھارت کو مضبوط بنانے میں نمایاں کردار ادا کیا ہے۔
انہوں نے کہا کہ کشمیر سے دفعہ 370 کو ہٹانا ملک کی سلامتی کے لیے ضروری تھا۔ اس سے ہمارے درمیاں کوئی نااتفاقی پیدا نہیں ہوگی۔
