بارہ بنکی : سیمینار میں بتائی گئی کھادی کی اہمیت

ریاست اتر پردیش کے ضلع بارہ بنکی میں بدھ کے روز گاندھی جینتی سماروہ ٹرسٹ کی جانب سے 'گاندھی کے نظریہ کا آتم نربھر بھارت' موضوع پر سیمنار کا انعقاد کیا گیا۔ گاندھی آشرم کی صد سالہ تقریبات کے تحت گاندھی بھون میں ہو رہے اس سیمنار میں مقررین نے کھادی کی ضرورت اور اس کی اہمیت پر تفصیل سے روشنی ڈالی۔

سیمنار کے مہمان خصوصی گاندھی نواز لال بہادر رائے نے سماج میں کھادی آشرم کی ضرورت اور اس کی اہمیت پر روشنی ڈالتے ہوئے کہا کہ بھلے ہی یہ دور مشین کا ہو، لیکن ہر شخص تک روزگار کے ذرائع موصول کرانے کے سمت کھادی ولیج انڈسٹری سب سے بہتر ثابت ثابت ہوگی۔

سیمینار میں عالمی شہرت یافتہ شاعر ڈاکٹر انجم بارہ بنکوی کو ان کی ادبی خدمات کے لئے یادگیر نشان اور شال دیکر اعزاز بھی کیا گیا۔

سیمنار کے تمام مقررین نے ملک کی عظیم شخصیات پر مختلف پروگرامز منعقد کرانے کے لئے 'گاندھی جینتی سماروہ ٹرسٹ' کے بانی پنڈت راج ناتھ شرما کے مزید ستائش بھی کی۔

سابق مرکزی وزیر اروند سنگھ گوپ نے اس موقع پر اپنے خیالات کا اظہار کرتے ہوئے کہا کہ گاندھی جینتی سماروہ ٹرسٹ کی جانب سے ہونے والے پروگرامز میں نوجوانوں کو شرکت کرنا چاہیے اور ملک عظیم شخصیات کے بارے میں سمجھنا چاہیے، کیونکہ اگر انہوں نے ان کے بارے کچھ نہ جانا تو کچھ سیکھ بھی نہ سکیں گے۔