ملک بھر میں 21 دن کا لاک ڈاون مسلسل جاری ہے۔ ایک طرف جہاں تمام بازار، دفاتر اور کارخانے پورے طور پر بند ہیں تو وہیں لوگوں کی ضروریات کے مدنظر ضروری اشیاء کی خرید و فروخت کی اجازت بھی دی گئی ہے۔
لیکن رامپور میں ایک پھل فروش نے ہم سے بات کرتے ہوئے پولیس پر ڈنڈوں سے پٹائی کا الزام لگایا۔ جس کی گواہی وہاں گھروں کی بالکونی میں سے دیکھ رہے لوگوں نے بھی دی۔ پھل فروش اوم پرکاش نے ہم سے بات کرتے ہوئے بتایا کہ انتظامیہ کی جانب سے اس کو لاک ڈاؤن پاس بناکر دیا گیا ہے تاکہ وہ آسانی سے پھل فروخت کر سکے۔ اس نے بتایا کہ پولیس نے اس کا پاس دیکھنے کے باوجود بھی ڈنڈوں سے پٹائی لگائی۔
خیال رہے کہ بھارت میں کورونا وائرس کے پیش نظر 21 روز کا لاک ڈاؤن کیا گیا ہے۔ اس دوران لوگوں سے اپیل کی جا رہی ہے کہ وہ اپنے گھر پر ہی رہیں تاکہ کورونا وائرس کو پھیلنے سے روکا جا سکے۔
بتایا جاتا ہے کہ کورونا ورائرس چین کے وہان شہر سے پھیلا ہے۔ اب یہ وائرس تقریبا پوری دنیا میں پھیل گیا ہے۔ کورونا وائرس سے دنیا بھر میں اب تک 6 لاکھ سے زائد افراد متاثر ہو چکے ہیں جبکہ اس سے ہلاک ہوںے والوں کی تعداد 31 ہزار سے زائد ہے۔
کوروان وائرس سے بھارت میں ایک ہزار سے زائد افراد متاثر ہو چکے ہیں، جبکہ اس سے ہلاک ہونے والوں کی تعداد 28 ہو چکی ہے۔
