اترپردیش حکومت کے ذریعہ اَبھیُدِے منصوبے کے تحت انٹرنس امتحان Entrance Exam جیسے پی سی ایس، آئی ایس،جےای ،نیٹ،این ڈی اے،سی ڈی ایس وغیرہ انٹرنس ایکزام میں کامیابی حاصل کرنے کے لئے ضلع سطح پر فری کوچنگ سینٹر کھولے گئے ہیں۔
اس تعلق سے مرادآباد Moradabad میں بھی دو کوچنگ سینٹر بنائے گئے ہیں۔ پہلا کوچنگ سینٹر ہندو پی جی کالج اور دوسرا سینٹر سرکاری مہیلا پولی ٹیکنک میں بنایا گیا ہے۔
یہ بھی پڑھیں:Opportunity for Scholars:علماء کے لئے گریجویشن کا سنہرہ موقع
مرادآباد کے ہندو پی جی کالج میں چلنے والی فری کوچنگ سینٹر کا افتتاح مرادآباد کمشنر آنجنے کمار سنگھ نے کیا۔
انھوں نے میڈیا سے بات کرتے ہوئے کہا کہ اترپردیش حکومت کے ذریعہ انٹرنس ایکزام کےلیے چنے گئے با صلاحیت بچوں کو فری کوچنگ دی جا رہی ہے۔
اس کوچنگ سینٹر سے ان بچوں کو آگے بڑھنے کا موقع ملے گا جن کی مالی حالت صحیح نہ ہونے کی وجہ سے کمپٹیشن میں حصہ نہیں لے پاتے اور آگے بڑھنے کا موقع نہیں ملتا ایسے بچوں کے لئے یہ کوچنگ سینٹر کارگر ثابت ہوگا۔
