نوئیڈا: کورونا وائرس کے پیش نظر ملک میں گزشتہ کئی دنوں سے لاک ڈاؤن نافذ ہے۔ جس کی وجہ سے بہار کے کئی مزدور دہلی سے متصل نوئیڈا میں پھسے ہوئے تھے۔
اس کو دیکھتے ہوئے آج انتظامیہ کے پہل پر گوتم بود نگر کے دنکور اور دادری ریلوے اسٹیشن سے چار ٹرینیں مہاجر مزدوروں کو لے کر بہار کے لئے روانہ ہوئی ہے ۔
اس دوران ڈسٹرکٹ مجسٹریٹ سہاس ایل وائی کی سربراہی میں تمام عہدیداروں نے کویڈ 19 عالمی وبا کو مدنظر رکھتے ہوئے، مہاجر مزدوروں کو معاشرتی دوری اور تھرمل اسکیننگ کے ساتھ ساتھ ان کے کھانے پینے کے انتظامات بھی کئے، تاکہ مہاجر مزدور اپنے گھروں تک خیر و عافیت کے ساتھ پہنچ سکیں۔
ضلع مجسٹریٹ کی قیادت میں دونوں ریلوے اسٹیشنوں پر تارکین وطن مزدوروں کو معاشرتی فاصلے کا خیال رکھتے ہوئے ٹرینوں میں بیٹھایا گیا۔ اور تمام مزدوروں کو کھانے کے پیکٹ اور پانی مہیا کرایا گیا ۔
اس دوران ضلع انتظامیہ کے دیگر عہدیدار اور محکمہ صحت کے اعلی عہدیدار موجود رہے۔
