ریاست اترپردیش کے ضلع غازی آباد میں کورونا وائرس معاملے میں مسلسل اضافہ ہورہا ہے۔ غازی آباد میں اب تک مجموعی طور پرکورونا مثبت مریضوں کی تعداد 50 پہنچ گئی ہے۔
تو وہیں ان میں سے 14 مریض مکمل طور صحت یاب ہو گئے ہیں جنہیں ہسپتال سے فارغ کر دیا گیا ہے۔ ساتھ ہی غازی آباد میں اب 36 کورونا ایکٹو کیسز ہیں۔
عالمی وبا کووڈ۔19 کا قہر پوری دنیا میں ہے۔ غازی آباد کے بارے میں بات جائے تو یہاں کورونا کے چار نئے کیسز سامنے آئے ہیں۔
وہیں محکمہ صحت کو کورونا کے 4 رپورٹس موصول ہوئی ہیں، جس میں چاروں رپورٹس مثبت پائی گئیں ہیں۔ حالانکہ 273 کورونا ٹیسٹ رپورٹس آنا ابھی باقی ہے۔
واضح رہے کہ غازی آباد میں اب تک کورونا مثبت کی تعداد 50 تک پہنچ گئی ہے۔ تو وہیں ضلعی انتظامیہ اور محکمہ صحت کورونا وائرس کے انفیکشن کو روکنے کے لئے مکمل طور پر الرٹ موڈ پر ہیں۔
