سہارنپور: خوفناک سڑک حادثے میں چار ہلاک

ریاست اترپردیش میں ضلع سہارنپور کے نانگل علاقہ میں ہونے والے خوفناک سڑک حادثے میں ایک ہی کنبہ کے چار ارکان کی موت ہو گئی جبکہ ایک کی حالت نازک ہے۔ یہ لوگ شادی کی تقریب میں شرکت کرکے دہلی لوٹ رہے تھے۔

پولیس سپرنٹنڈنٹ ( دیہات) ودیا ساگر مشرا نے پیر کو یہاں یہ اطلاع دی۔

انہوں نے بتایا کہ 'دہلی کے پنجابی باغ علاقہ کے رانی باغ کے رہائشی بھگوت شرما اپنی اہلیہ، دو بیٹوں اور بہو کے ساتھ سہارن پور شادی کی تقریب میں شرکت کے لئے آئے تھے۔ اتوار کی رات تقریباً 12 بجے شادی کی تقریب کے بعد گھر کے کے پانچوں رکن کار سے دہلی واپس لوٹ رہے تھے۔'

نانگل علاقے میں سبری بھٹے کے پاس تیز رفتار کار ایک ٹرالی سے جاٹکرائی۔

انہوں نے بتایا کہ 'حادثے میں بھگوتی شرما (55) ان کی اہلیہ ممتا شرما (50) بیٹا گورو شرما (28) اس کی اہلیہ ندھی شرما (24) کی موت ہو گئی'۔

حادثہ میں زخمی گورو کے بھائی پرتیک شرما کو ہسپتال میں داخل کرا دیا گیا ہے اوراس کی حالت بھی نازک بتائی جارہی ہے۔