مرادآباد: کورونا متاثرہ چار مریضوں کی موت

ریاست اتر پردیش کے ضلع مرادآباد میں کورونا وائرس سے متاثرہ مریضوں کی تعداد مسلسل بڑھتی جارہی ہے۔

جمعہ کے روز مرادآباد میں 124 کورونا کے پازیٹیو مریض ملنے سے محکمہ صحت میں افراتفری کا ماحول پیدا ہوگیا اور تیزی سے شہر میں صحت سے متعلق تمام تر تیاریوں کا جائزہ لیا گیا گیا اور اس بیماری پر بر وقت قابوکرنے کی کوششیں تیز کردی گئیں ہیں۔

ضلع مراد آباد میں اب تک 8 ہزار 253 کورونا پازیٹیو مریضوں کی تصدیق ہوئی ہے اور گزشتہ 24 گھنٹوں کے دوران کورونا وائرس سے متاثرہ چار مریضوں کی موت واقع ہوئی ہے جس سے ضلع انتظامیہ سکتے میں آگیا ہے۔

اس کے علاوہ اب تک 134 کورونا پازیٹیو مریضوں کی دوران علاج موت واقع ہوئی ہے۔

واضح رہے کہ ضلع مرادآباد میں اب تک 8،253 کورونا پازیٹیو مریضوں میں سے 6،703 مریض صحت یاب ہوکر اسپتال سے رخصت ہوئے ہیں۔

فی الحال ضلع کے متعدد اسپتالوں میں 1،416 کورونا متاثرہ مریضوں کا علاج کیا جارہا ہے۔