ریاست اتر پردیش کے بارہ بنکی پولیس نے جمعہ کو غیرقانونی مٹی کانکنی کرنے والے گروہ کا انکشاف کیا ہے۔ اس دوران پولیس نے گروہ کے سرغنہ سمیت 5 ملزمین کو حراست میں بھی لیا ہے ۔
اطلاعات کے مطابق 10 اگست کی رات سترکھ تھانہ حلقے کے داؤد پور گاؤں میں غیرقانونی مٹی کانکنی کا معاملہ سامنے آیا تھا، جس کے بعد موقع پر پہنچی پولیس نے پانچ افراد کو حراست میں لیتے ہوئے ان کے پاس سے 2 جے سی بی اور 5 ڈمپر برآمد کئے تھے۔
اس کے بعد انتظامیہ نے حراست میں لئے گئے تمام ملزمین پر دیگر دفعات کے تحت مقدمہ درج کرکے تحقیقات شروع کی تو پتا چلا کہ 'غیر قانونی کانکنی کرنے والے گروپ کا سرغنہ شہر کوتوالی حلقے کا بھوہیرہ گاؤں کا ونود یادو ہے، جو مٹی سپلائی کمپنی کی آڑ میں غیر قانونی کانکنی مٹی بھی سپلائی کرتا ہے۔
اس معاملے کے بعد سے انتظامیہ نے مقامی پولیس اہلکاروں کے ساتھ کوتوال سمیت متعدد پولیس ملازمین کو لائین حاضر کیا ہے۔
