ریاست اترپردیش کے شہر نوئیڈا میں سابق چیف جسٹس آف انڈیا دیپک مشرا نے ایشین لاء کالج نوئیڈا میں نیشنل موٹ کورٹ ایشین کمپٹیشن کے افتتاح کے موقع پر کہا کہ 'اس سرزمین پر وہی شخص کامیاب ہے جس کے اندر ابراہم لنکن کی طرح عزم، نیوٹن کی طرح عاجزی، گریک اسٹیٹسمین اور اورٹر ڈیموسینیس کی طرح استقامت اور آرکمیڈیز جیسی یکسوئی ہو۔
اس موقع پر ایشین لاء کالج کے صدر ڈاکٹر سندیپ ماروا نے کہا کہ 'یہ ہمارے لیے تاریخی دن ہے۔ آج ہمارے پاس قابل احترام دیپک مشرا ہیں جو اپنے قابل ذکر اور تاریخی فیصلوں کے لیے شہرت رکھتے ہیں اور ان کی موجودگی نے ہمارے اس کمپٹیشن کے معیار کو بلند کیا ہے۔ جس سے ایشین لاء کالج کو ایک نئی جہت ملے گی۔
اس موقع پر جوڈیشل مجسٹریٹ اور نیشنل گرین ٹریبونل کے ڈپٹی رجسٹرار ڈاکٹر سکھدا پریتم نے خطاب کرتے ہوئے کہا کہ 'طلباء اپنے اور لوگوں کے حقوق کے لیے کھڑے ہونے کی وجہ سے اپنے پیشے سے ایمانداری کا مظاہرہ کررہے ہیں ان کے الفاظ نے طلباء کو ایک نیا نظریہ دیا ہے۔
اس موقع پر ملک بھر کے ٹاپ لاء کالج اور یونیورسٹی کی24 ٹیموں اور 72 شرکا نے حصہ لیا۔
