بےخوف شرپسندوں نے راج کمار کو اس کی بیوی، معذور بیٹی، بہو اور معصوم پوتی پر حملہ کرکے قتل کردیا۔ قتل کے بعد بدمعاشوں نے گھر کو آگ لگا دی، جس کے بعد صبح گھر سے دھواں نکلتا دیکھ کر راہگیر نے پولیس کو واقعہ کی اطلاع دی۔ پولیس نے موقع پر پہنچ کر تمام افراد کو ہسپتال بھیج دیا۔ جہاں ڈاکٹروں نے سب کو مردہ قرار دے دیا۔ Five People Murdered in Prayagraj
یہ بھی پڑھیں:
راج کمار یادو اپنے اہل خانہ کے ساتھ تھروئی تھانہ علاقہ میں گاراپور سے سکندرا جانے والی سڑک کے کنارے رہتے تھے۔ جہاں فجر کے وقت گھر میں گھس کر شرپسندوں نے پورے خاندان کو موت کے گھاٹ اتار دیا۔ بدمعاشوں نے راج کمار یادو، ان کی بیوی کُسم دیوی، بہو سویتا، معذور بیٹی منیشا اور معصوم پوتی ساکشی کا قتل کر دیا۔ منیشا معذور تھی اور جب پولیس موقع پر پہنچی تو اس کے کپڑے بکھرے ہوئے تھے جس کی وجہ سے خدشہ ظاہر کیا جا رہا ہے کہ اسے قتل کرنے سے پہلے زیادتی کا نشانہ بنایا گیا۔ واقعہ کی اطلاع پر پہنچی پولیس معاملے کی جانچ کررہی ہے۔ فی الحال قتل کے پیچھے کیا وجہ ہے اس کا پتہ لگایا جا رہا ہے۔
