بہرائچ: اترپردیش میں بہرائچ ضلع کے قیصر گنج کوتوالی علاقے میں جمعرات اور جمعہ کی درمیانی شب تلک کی تقریب سے واپس جا رہے آٹو سواروں پر ایک ڈمپر چڑھ گیا۔ اس حادثے میں 5 افراد کی موت ہو گئی جبکہ 10 دیگر زخمی ہو گئے۔ حادثے پر افسوس کا اظہار کرتے ہوئے وزیر اعلی یوگی آدتیہ ناتھ نے زخمیوں کے علاج کی ہدایات دی ہیں۔ پولیس ذرائع نے جمعہ کو بتایا کہ ضلع کے حضور پور تھانہ علاقہ کے تحت پورینی گاؤں کے رہنے والے منشاررم کی بیٹی کی شادی قیصر گنج کوتوالی علاقہ کے رکنا پور گاؤں میں طے ہوئی تھی۔ جمعرات کو تلک کا پروگرام تھا۔ جس پر منشارام تلک کے ساتھ رشتہ داروں اور کنبہ کے افراد کے ساتھ آٹو کے ذریعے رکنا پور گاؤں گئے۔ تلک کا پروگرام طے کر کے رات کو سب واپس آ رہے تھے۔
رات کو تقریباً ایک بجے تمام آٹو سوار لکھنؤ-بہرائچ روڈ پر قیصر گنج کوتوالی کے مدنی اسپتال کے سامنے پہنچے تھے کہ ڈمپر نے تیز رفتاری سے آٹو کو روند دیا۔ حادثے میں پانچ افراد کی موقع پر ہی موت ہو گئی۔ اس میں لڑکی کی بہن بھی شامل ہے جبکہ 10 افراد زخمی ہوئے ہیں۔ پولیس نے زخمیوں کو ایمبولینس کے ذریعے ضلع اسپتال پہنچایا۔ وزیر اعلی یوگی آدتیہ ناتھ نے بہرائچ میں سڑک حادثہ پر افسوس کا اظہار کیا ہے۔ انہوں نے زخمیوں کے بہتر علاج کے لیے ضلعی حکام کو ہدایات دی ہیں۔
جمعہ کی صبح ایس ڈی ایم مہیش کمار کیتھل، سی او کملیش کمار سنگھ پولیس فورس کے ساتھ موقع پر پہنچ گئے جبکہ سٹی مجسٹریٹ شالینی پربھاکر اور ایس ڈی ایم صدر سبھاش سنگھ ضلع اسپتال میں داخل زخمیوں کی حالت جاننے کے لیے دھامی گئے۔قیصر گنج کوتوال ددن سنگھ نے بتایا کہ پورینی گاؤں کے رہنے والے بھگوان پرساد (40)، انل (15)، خوشبو (35)، ہریش چندر (45) اور جیکرن (40) کی اس حادثے میں موت ہوگئی جبکہ نندو (32)، راجیترام (10) )، ستیہ (7)، چندن (12)، منگل (55)، جیون لال (50)، کیلاشا (40)، رام دین (50)، نند لال کشیپ (40) اور شانتی دیوی (50) زخمی ہوئے ہیں۔
یہ بھی پڑھیں: Road Accident in Muzaffarnagar مظفّر نگر سڑک حادثے میں ایک خاتون سمیت تین افراد کی موت
یواین آئی
