قنوج :کار نہر میں گری، پانچ افراد ہلاک

اترپردیش کے ضلع قنوج کے ارمدا بلاک میں بدھ کو ایک کار کے نہر میں گرنے سے پانچ افراد کی موت ہوگئی، جبکہ دیگر دو شدید طور سے زخمی ہوگئے۔

پولیس نے یہاں بتایا کہ گاؤں والوں نے صبح کار کو نہر میں گرا دیکھ کر اس کی اطلاع پولیس کو دی۔

گاؤں والوں نے ہی کار کے پیچھے کا شیشہ توڑ کر لوگوں کو باہر نکالا۔ ہلاک ہونے والوں میں دو خواتین اور تین بچے شامل ہیں۔

زخمیوں کو تروا میڈیکل کالج میں داخل کرایا گیا ہے۔