غازی آباد: اترپردیش کے ضلع غازی آباد کے کھوڑا علاقے میں آج صبح دو ٹرانسفرمر میں اچانک لگنے سے قریب کے دو مکانات جل کر خاکستر ہوگئے۔ آگ لگنے کے وقت دونوں گھروں میں موجود تقریباً 10 سے بارہ افراد کو بحفاظت باہر نکال لیا گیا۔ اس واقعے کی وجہ سے غازی آباد کے مختلف علاقے سے بجلی کی فراہمی منقطع ہے۔ Fire Broke in Ghaziabad
وہیں غازی آباد کے اندرا پورم تھانہ علاقے کے گیان کھنڈ-1 میں آج صبح آتشزدگی کا معاملہ پیش آیا۔ دیکھتے ہی دیکھتے آگ نے ایک درجن سے زائد گھروں کو اپنی زد میں لے لیا جس کی وجہ سے گھروں میں موجود اشیائے خوردونوش اور کپڑے، چارپائی وغیرہ جل کر خاکستر ہو گئے۔ جائے وقوع پر موجود لوگوں نے فائر بریگیڈ کو اطلاع دی، موقع پر پہنچی فائر بریگیڈ عملہ نے سخت مشقت کے بعد آگ پر قابو پالیا۔
دوسری طرف غازی آباد ضلع میں ایسٹرن پیریفرل ایکسپریس وے پر دوائیوں سے لدے ٹرک میں آج اچانک آگ لگ گئی جس سے ٹرک میں موجود لاکھوں کی ادویات جل کر راکھ ہوگئے، حالانکہ موقع سے ڈرائیور نے ٹرک سے چھلانگ لگا کر اپنی جان بچائی۔ case of fire in Ghaziabad
مزید پڑھیں:
اس حوالے سے غازی آباد کے چیف فائر آفیسر (سی ایف او) سنیل کمار سنگھ نے بتایا کہ کنٹرول روم کو ادویات سے لدے ٹرک میں آگ لگنے کی اطلاع ملی تھی جس کے فوری بعد جائے حادثے پر فائر بریگیڈ کو روانہ کیا گیا۔ تاہم فائر بریگیڈ کے موقع پر پہنچنے سے قبل ہی آگ نے ٹرک کو مکمل طور پر اپنے زد میں لے لیا تھا حالانکہ فائر بریگیڈ نے کارروائی کرتے ہوئے آگ پر قابو پالیا۔
