غیر قانونی کان کنی کرنے والوں کے خلاف مقدمہ

سہارنپور میں غیر قانونی کان کنی کے خلاف انتظامیہ سخت ہوگئی ہے۔ پولیس نے ان کے خلاف مقدمہ درج کیا ہے۔

سہارنپور میں گزشتہ روز کان کنی انسپکٹر اعجاز خان نے ہریانہ کے مبارک رائلٹی کمپنی اور بیل گڑھ کے اسٹون کریشر کے مالک پر غیر قانونی طریقہ سے ریت بجری کی کھدائی کرنے پر مقدمہ درج کرایا ہے۔

ہریانہ میں سرحدی تنازعہ کو لیکر گزشتہ دنوں کافی بحث تھی۔ اس دوران درج ہوئے مقدمات کے بعد غیر قانونی طریقہ سے ریت بجری کھدائی کرنے والوں میں کھلبلی مچ گئی۔

ایس پی سٹی ونیت بھٹناگر نے بتایا کہ یہ تھانہ چلکانہ کا واقعہ ہے، غیر قانونی گاڑی سے غیرقانونی طریقہ سے ریت بجری کی کھدائی کی جارہی تھی، یہ کارروائی گاڑی ڈرائیور اور کان کنی مافیا کے خلاف کی گئی ہے۔