ریاست اتر پردیش کے ضلع بارہ بنکی میں جمعہ کو ہوئی زوردار بارش اور ژالہ باری کی وجہ سے ہوئے حادثات میں ہلاک شدہ افراد کے اہل خانہ کو مالی مدد دینے کے لیے ریاستی وزیر دارا سنگھ چوہان پہنچے۔
انہوں نے ہلاک شدگان کے اہل خانہ سے تعزیت کا اظہار کیا اور انہیں 4 لاکھ روپیے کا چیک دیا۔ دارا سنگھ چوہان نے یقین دہانی کرائی ہے کہ 'وہ کسانوں کے ساتھ ہیں اور وہ کسانوں کے نقصان کی ہر ممکن بھرپائی کی کوشش کریں گے۔”
قابل غور ہے کہ جمعہ کو ہوئی زوردار بارش، طوفانی ہوا اور ژالہ باری سے الگ جگہوں پر دو افراد ہلاک ہو گئے تھے۔
ریاستی وزیر جنگلات اور ضلع کے وزیر انچارج آج صبح سب سے پہلے سرولی غوسپور کے بھیسوریا گاؤں پہنچے، یہاں انہوں نے ہلاک شدگان ایودھیا پرساد راوت کے اہل خانہ کو مالی مدد فراہم کی۔
اس کے بعد وہ نرینی پروا مجرے دلسرائیں گئے جہاں انہوں نے ہلاک شدہ رام دین کے اہل خانہ کو مالی مدد کی۔
اس دوران وزیر دارا سنگھ چوہان نے تسلیم کیا کہ ”ضلع میں بارش اور ژالہ باری سے کسانوں کو کافی نقصان ہوا ہے۔ انہوں نے یقین دہانی کرائی ہے کہ یوگی حکومت کسانوں کے نقصانات کی بھرپائی کرے گی”۔
