آل انڈیا کسان سنگھرش کوآرڈینیشن کمیٹی کے ممبر بھگت سنگھ ورما نے کہا کہ مرکز اور اترپردیش کی بھارتیہ جنتا پارٹی (بی جے پی) کی حکومتوں نے کسانوں کو برباد اور مقروض کردیا ہے۔
اتوار کے روز شیخ پورہ قدیم میں کسانوں کے اجلاس سے خطاب کرتے ہوئے مسٹر ورما نے کہا کہ آج کسان بدترین مرحلے سے گزر رہا ہے۔ شوگر ملیں گنے کے کاشتکاروں کو ادائیگی نہیں کررہی ہیں۔
حکومت کسانوں کو ان کی فصلوں سے ہونے والی قیمت تو دور انہیں مناسب قیمت بھی مہیا نہیں کرا پارہی ہے۔ جو باسمتی دھان چار سال پہلے 35 روپے کوئنٹل تھا ، اسے کوئی 17 سو روپے کوئنٹل لینے کے لئے بھی تیار نہیں ہے۔
آزادی کے 73 برسوں میں کسانوں کے لئے یہ سب سے مشکل وقت ہے۔ مرکزی حکومت کو کسان مخالف بل لانے کے بجائے کسانوں کو فصلوں کی مناسب قیمت دلانے پر توجہ دینی چاہئے۔
