اترپردیش کے نوئیڈا میں گزشتہ ہفتے بدھ کے روز اپنے مطالبات کے پیش نظر نوئیڈا اتھارٹی کے خلاف احتجاج کررہے کسانوں کو پولیس نے حراست میں لے کر جیل بھیج دیا۔ پولیس کی جانب سے کسانوں پر کی گئی کاروائی کے خلاف آج دوسرے کسان تنظیم اور اپوزیشن جماعتوں نے نوئیڈا اتھارٹی کے خلاف احتجاج شروع کردیا۔
ہزاروں کسان نوئیڈا اتھارٹی مردہ آباد کے نعرے بلند کرتے ہوئے نوئیڈا اتھارٹی کی جانب بڑھے، لیکن پہلے سے تعینات پولیس کے جوانوں نے انہیں اتھارٹی کے قریب جانے سے روک دیا۔ اس کے بعد مشتعل کسانوں نے سیکٹر -5 کے ہرولہ گاؤں کے بارات گھر میں دھرنے پر بیٹھ گئے۔
تحریک میں شامل کسانوں کا کہنا ہے کہ انتظامیہ اور حکومت ہمیں اپنے ظالمانہ اور وحشیانہ اقدام سے نہیں ڈرا سکتی۔ ہم اپنے حقوق لے کر رہیں گے۔ اگر اتھارٹی نے ہمارے مطالبات پورے نہیں کیے تو کسان آخری سانس تک جدوجہد جاری رکھے گا۔
مزید پڑھیں:ملک میں مسلمان محفوظ نہیں ہیں: شفیق الرحمن برق
وہیں کسان لیڈر اشوک چوہان نے کہا کہ نوئیڈا اتھارٹی کو ہمارے اہم چار مطالبات پر توجہ دینی چاہیے۔ گرفتار کسانوں کو جلد از جلد رہا کیا جائے۔ اور اگر ہمارے مطالبات نہ مانے گئے تو ہم بھوک ہڑتال پر چلے جائیں گے۔ جمہوریت میں اپنا حق حاصل کرنے کے لیے ہر ممکن اقدام اٹھائیں گے۔ ہم پیچھے نہیں ہٹیں گے۔
