میرٹھ: زرعی قوانین کے خلاف کسانوں کا احتجاج

بھارتی کسان یونین کے کارکنان نے میرٹھ کے سوایا ٹول پلاجا پر تمام گاڑیوں کا ٹول فری کراکر زرعی قوانین کے خلاف احتجاج کیا ۔

ذراعی قوانین 2020 کے خلاف کسانوں کا احتجاج بدستور جاری ہے، اسی کڑی میں آج بھارتی کسان یونین کے کارکنان نے میرٹھ کے سوایا ٹول پلاجا پر تمام گاڑیوں کا ٹول فری کراکر زرعی قوانین کے خلاف احتجاج کیا ۔

اس ضمن میں بھارتی کسان یونین کے کارکنان نے مرکزی حکومت کو آگاہ کرتے ہوئے کہا کہ اگر حکومت کسانوں کی آواز کو نہیں سنتی ہے تو جس طرح سے کمبھ کرن کو جگانے کے لیے ڈھول نگاڑوں کا سہارا لیا گیا تھا اسی طرز پر کسان بھی حکومت کو جگانے کے لیے مختلف طریقوں کا سہارا لے گی۔

وہیں احتجاج کر رہے کسانوں نے بتایا کہ حکومت جب اس کالے قانون کو واپس نہیں لیتی ہے تب تک کسانوں کا احتجاج جاری رہے گا ۔اب دیکھنا ہوگا کہ حکومت اور کسانوں کی لڑائی کب تک جاری رہتی ہے اور اس میں کس کو کامیابی ملتی ہے یہ بھی دیکھنے والی بات ہوگی ۔