ریاست اتر پردیش کے مرادآباد میں امبیڈکر پارک میں بھارتیہ کسان یونین کی ایک میٹنگ کا انعقاد کیا گیا۔
بھارتیہ کسان یونین نے وزیر اعظم مودی کے نام ایک میمورنڈم مراد آباد ڈی ایم کو سونپا۔ اس میمورنڈم میں مطالبہ کیا گیا ہے کہ زرعی پیداوار کے داموں میں اضافہ کیا جائے۔
احتجاج کر رہے کسانوں کا کہنا ہے کہ مہنگائی اتنی بڑھ گئی ہے کہ جو بھی چیزیں زراعت کے لیے خریدی جاتی ہیں ان تمام کی قیمتوں میں اضافہ ہوا ہے اور کسان جو بھی چیزیں پیدا کر رہا ہے انہیں لاگت کے حساب سے مناسب قیمت نہیں مل رہی ہے۔ ان کا مطالبہ ہے کہ لاگت کی بنیاد پر پیداوار کی قیمتوں میں اضافہ کیا جائے۔
بھارتیہ کسان سنگھ سے جڑے کسانوں نے کہا حکومت سے مطالبہ ہے کہ گنا چاول گیہوں کی پیداوار پر لاگت زیادہ آرہی ہے، جب کہ سرکار کی طرف سے دام کم کر دیے جا تے ہیں۔ ہمارا مطالبہ ہے کہ زرعی پیداوار کا دام بڑھایا جائے۔
یہ بھی پڑھیں: کسانوں کا کرنال سکریٹریٹ کے باہر غیرمعینہ مدت کا دھرنا
کسانوں نے کہا کہ پٹرول ڈیزل اور بجلی کے دام زیادہ بڑھ جانے کی وجہ سے کھیتی کی پیداوار میں زیادہ پیسے خرچ ہو رہے ہیں اور چار سال سے حکومت نے مصنوعات پر پیسے نہیں بڑھائے ہیں۔
