ریاست اترپردیش کے ضلع سنبھل سے سماج وادی پارٹی کے رکن پارلیمنٹ ڈاکٹر شفیق الرحمٰن برق نے آج سال 2020 کا ذکر کرتے ہوئے کہا کہ 'یہ سال ہم سب کے لئے اچھا نہیں رہا، کورونا وائرس کے سبب ملک میں نافذ لاک ڈاؤن کی وجہ سے ہر انسان پریشان حال رہا۔
اس دوران انہوں نے میڈیا سے گفتگو کرتے ہوئے کہا کہ 'سال 2020 ہم سے رخصت ہو رہا ہے اور اب سے چند دنوں کے بعد سال 2021 آنے والا ہے، ہم اللہ سے دعا کرتے ہیں کہ سال 2021 ہم سب کے لئے خوش حالی لے کر آئے اور ہر کسی کی زندگی کو خوشیوں سے بھر دے۔
انہوں نے سال 2020 کا ذکر کرتے ہوئے کہا کہ 'یہ سال ہم سب کے لئے اچھا نہیں رہا، کورونا وائرس کے سبب ملک میں نافذ لاک ڈاؤن کی وجہ سے ہر انسان پریشان حال رہا، تو دوسری جانب مرکزی حکومت کی جانب سے نئے قوانین نافذ کئے کئے، لو جہاد پر قانون بنایا گیا اور سی اے اے، این آر سی جیسے تمام مسئلوں نے عوام کو پریشان کیا۔
