کانگریس پارٹی کے سینیر رہنما اور پرینکا گاندھی کے مشیر آچاریہ پرمود کرشن نے اترپردیش کے میرٹھ پہنچے۔ انھوں نے کانگریس رہنما حاجی یوسف قریشی کی رہائش گاہ پرمیڈیا سے بات کی۔ آچاریہ پرمود کرشن نے کہا کہ ملک کے کسانوں کا اور نوجوانوں کا حکومت پر سے اٹھ جانا خطرناک ہے، انھوں نے کہا کہ کسانوں کو ان کا حق ملنا چاہئے اور نوجوانوں کو ان کا حق ملنا چاہیے۔
کانگریس پارٹی کے رہنما آچاریہ پرمود کرشن نے زرعی قوانین کے خلاف کسانوں کی تحریک پر تبصرہ کرتے ہوئے کہا کہ زرعی قوانین اگر کسانوں کے حق میں ہے تو کسان کیوں اعتراض کر رہے ہیں۔ حکومت کو اس قانون کو لیکر ایک بار پھر سے غور کرنے کی ضرورت ہے۔ انھوں نے کہا کہ کسانوں کو برباد کرنے کے قوانین کو خوشحال کرنے کا اقدام بتایا جارہا ہے۔
اس موقع پر انھوں نے اتر پردیش کے حالات پر افسوس جتاتے ہوئے کہا کہ یوپی میں اس وقت حالات تشویشناک بنے ہوئے ہیں۔ یوگی کی پولیس نام اور مذہب دیکھ کر کارروائی کر رہی ہے یہ اتر پردیش اور ملک کے لیے بہت خطرناک ہے۔
