ریاست اترپردیش کے مرادآباد ڈی ایم دفتر پر بھارتیہ کسان یونین کے عہدیداروں اور اراکین نے ڈی ایم کو ایک میمورنڈم دے کر مطالبہ کیا ہے تھانہ کندرکی علاقے کے فیروز پور جوتیاں گاؤں کے پاس گنگا ندی بہتی ہے، لوگ اس ندی کو پار کرکے شہر آتے اور جاتے ہیں، ندی کے اوپر پل تعمیر کئے جانے کا مطالبہ بہت پرانی ہے لیکن ابھی تک ندی کے اوپر کوئی پل تعمیر نہیں کیا گیا۔
بھارتی کسان یونین کے سینئر رہنماء ہرپال سنگھ نے بتایا کی چار سال سے گنے کے دام میں اضافہ نہیں ہوا ہے، ان کا مطالبہ ہے کہ گنے کی قیمتوں میں اضافہ کیا جائے اور کسانوں کا گنا بقایا کا بھکتان دیا جائے۔
انہوں نے کہا کہ متعدد بار کوشش کرنے کے بعد بھی گنا میل نے گنے کا بقایا نہیں دیا ہے، ڈیزل پیٹرول مہنگا ہو چکا ہے لیکن گنے کے دام نہیں بڑھائے گئے ہیں۔
آپ کو بتا دیں کہ ای ٹی وی بھارت اردو کے ذریعہ اس مسئلہ کو اٹھایا، جس کے بعد ضلعی انتظامیہ نے وہاں کا معائنہ کیا اور ندی پر پل تعمیر کرنے کے لئے بجٹ کا تخمینہ بھی تیار کیا گیا تھا لیکن ضلع انتظامیہ نے ابھی تک پل کے تعمیر کا کام شروع نہیں کیا ہے۔
