نوئیڈا: کسان رہنما سکھبیر پہلوان نظر بند

وزیراعلی یوگی آدتیہ ناتھ کے نوئیڈا دورے سے قبل کسان رہنما سکھبیر پہلوان کو ان کے گھر میں نظر بند کر دیا گیا ہے۔

ریاست اترپردیش کے شہر نوئیڈا میں وزیراعلی آدتیہ ناتھ کے دورے کے پیش نظر احتیاطی طور پر کسان رہنما سکھبیر پہلوان کو ان کے گھر میں نظر بند کر دیا گیا ہے۔

واضح رہے کہ وزیراعلی آج نوئیڈا کے دورے پر ہیں۔

نوئیڈا کے سیکٹر 6 انتطامیہ دفتر کے باہر کسان گزشتہ 20 روز سے احتجاج کر رہے ہیں، کسان اپنے مطالبات کو لے کر مسلسل احتجاج کر رہے ہیں۔ ایسے میں وزیراعلی کے پروگرام میں کسی طرح کی کوئی پریشانی نا آئے اسی کے پیش نظر کسان رہنما کو نظر بند کیا گیا ہے۔

وزیر اعلی یوگی آدتیہ ناتھ یکم مارچ کو پولیس نائب کمشنر کے دفتر کا افتتاح کریں گے، وہیں گوتم بودھ یونیورسٹی میں ایک پروگرام سے خطاب بھی کریں گے جبکہ 2 مارچ کو وزیراعلی نوئیڈا انتظامیہ کی 2800 کروڑ روپیے کی اسکیمز کے پروجکٹ کا افتتاح کریں گے۔