کسان کاگولی مار کر قتل

ریاست اترپردیش کے ضلع امروہہ کے آدمپور علاقے میں بدمعاشوں نے گولی مار کر کسان کا قتل کردیا۔

پولیس نے بتایا کہ براولی گاؤں باشندہ 55 سالہ جئے سنگھ اپنے 18 سالہ بیٹے سمت کے ساتھ بدھ کی رات کھیت کی سنیچائی کرنے کے لئے ٹیوب ویل پر گیا تھا۔
اس درمیان دو تین مشتبہ افراد ٹیوب ویل پر پہنچ گئے۔ انہوں نے کسان سے نام و پتہ پوچھا اور بات چیت کے دوران جئے سنگھ کوگولی ماردی۔جس سے ان کی موقع پر ہی موت ہوگئی ۔
واردات کے بعد بدمعاش فرار ہوگئے۔
اطلاع ملتے ہی پولیس جائے وقوع پر پہنچ گئی اور لاش کو اپنے قبضے میں لے کر پوسٹ مارٹم کے لیے بھیج دیا۔
سمت کی تحریر پر آدم پور تھانہ پولیس نے نامعلوم افراد کے خلاف ایف آئی آر درج کی ہے۔