اترپردیش کے گوتم بدھ نگر کرائم سیل نے جعلی چالان ویب سائٹ بنا کر چالان کے نام پر دھوکہ دینے والے ایک شخص کو گرفتار کیا ہے۔
سائبر کرائم سیل گوتم بدھ نگر نے رجت کچل ولد رام کمار گپتا، ساکن بی 83 ایس 40 تھانہ 39 نوئیڈا گوتم بدھ نگر کو گرفتار کیا، جس نے جعلی چالان ویب سائٹ بنا کر چالان کے نام پر جعلسازی کی۔
مذکورہ شخص کے خلاف پولیس نالج پارک میں دفعہ 420 اور 66 آئی ٹی ایکٹ کے تحت خلاف مقدمہ درج کیا گیا ہے۔ ملزم کے ذریعےایک جعلی ڈومین echallanparivahan.in بنایا گیا تھا اور جعلی ویب سائٹ پر سرکاری آفیشل سائٹ echallanparivahan.in کی نقل کر کے گاڑی انشورنس ہولڈروں کے ڈیٹا کا استعمال کرکے اپ لوڈ کیا گیا اور آن لائن بلک ایس ایم ایس کے ذریعے چالان کے جعلی ایس ایم ایس بھیجے گئے جس میں جعلی ویب سائٹ کا ایک لنک تھا، جس پر لوگوں نے اپنا چالان سمجھ کر رقم جمع کروائی۔
