نوئیڈا: ای وی انڈیا ایکسپو 2023: ہندوستان کا سب سے بڑا الیکٹرک موٹر وہیکل شو اور الیکٹرک گاڑیوں، ہائبرڈ گاڑیوں، آٹوموٹر پرزوں، ایسیسریز، بیٹری مینجمنٹ اور اسٹوریج سسٹم، چارجنگ ڈیوائسز، چارجنگ انفراسٹرکچر، ڈیوائسز اور سافٹ ویئر، خام مال اور متعلقہ صنعتوں پر بین الاقوامی نمائش کی شروعات گریٹر نوئیڈا اتر پردیش کے انڈیا ایکسپو سینٹر میی ہوئی۔ اس کا اہتمام گرین سوسائٹی آف انڈیا اور انڈین ایگزیبیشن سروسز نے کیا۔ اس پروگرام کا افتتاح جسونت سنگھ سینی جی ایم ایل اے، سہارنپور یوپی اور ڈاکٹر مہیش شرما، ایم پی نوئیڈا نے کیا۔
ای وی انڈیا 2023 ایک ایسا شو ہے جو ای وی مینوفیکچرز، متعلقہ صنعت کے مینوفیکچرز، سروس فراہم کرنے والوں کو اپنی جدید مصنوعات، ٹیکنالوجیز، آلات، اسمارٹ اور نکسٹ جین ٹرانسپورٹیشن، نیٹ ورکنگ اور صنعت کے ساتھ کاروباری نمائش کے مواقع فراہم کرتا ہے۔ یہ نمائش ایک بہترین انٹرایکٹو پلیٹ فارم ہے، جس نے وسائل کے اشتراک مصنوعات کی خریداری اور ڈسپلے کے لیے ایک قابل ذکر پلیٹ فارم مہیا کیا ہے۔
اس سال نمائش میں دو سو سے زائد نمائش کنندگان شرکت کر رہے ہیں۔ ان میں سے کچھ بڑے برانڈز ہیں، جن میں ٹاٹا موٹرز، ایم جی موٹرز، گو ایزی، یکوزا ای بائک، کوانٹم انرجی، جوائن موبلٹی، اسمارٹ سولٹررا ای وی چارجر، سرویٹک ای چارجنگ، شکتی ای وی موٹرز وغیرہ شامل ہیں۔
انٹرپرینیورز ایسوسی ایشن اور سوسائٹی آف اسمارٹ ای موبلٹی کے ذریعہ تعاون یافتہ، نمائش کنندگان کے پروفائل میں الیکٹرک گاڑیوں، چارجنگ انفراسٹرکچر آلات اور حل، آٹو پرزے، بیٹری مینوفیکچررز، بیٹری مینجمنٹ سسٹمز، بیٹری اسٹوریج سسٹم، آئی او ٹی ڈیوائسز اور سافٹ ویئر، خام مال، متعلقہ مصنوعات اور لوازمات، ہائبرڈ گاڑیوں کی متعدد کمپنیاں اور برانڈز شامل ہیں۔
مسٹر سدیش کمار، ڈائریکٹر انڈین ایگزیبیشن سروسز کے مطابق، "بھارتی الیکٹرک وہیکل انڈسٹری ایک نیا کاروبار ہے۔ اس شعبے میں آٹوموبائل انڈسٹری کے لیے بہت سارے مواقع موجود ہیں۔ کسی بھی دوسرے نئے شعبے کی طرح، اس شعبے میں بھی چھوٹے مسائل ہیں جو فیم دو جیسی مضبوط پالیسیوں کے ساتھ بھارت کو ایک عالمی الیکٹرک مینوفیکچرنگ ہب کے طور پر قائم کیا جا سکتا ہے، بھارت میں ای وی ایس بڑھتی ہوئی آلودگی اور تیل پر انحصار جیسے مسائل کو کم کرنے میں اہم کردار ادا کرے گی۔
ہمیں اس سال کی نمائش میں دس ہزار سے زیادہ ویزیٹرس کی توقع ہے۔ اس سے انکار نہیں کیا جا سکتا کہ حکومتی فنڈنگ، سبسڈی اور مراعات ای وی مارکیٹ کے مطالبات کو پورا کرنے میں اس سے مدد ملی ہے۔ ہندوستان صاف ٹرانس پورٹ کے ایک نئے دور میں داخل ہو رہا ہے اور گرین فیوچر ای وی میں کاربن فوٹ پرنٹ کو کم کرنے، خام تیل کی درآمدات پر انحصار کم کرنے، روزگار کے مواقع پیدا کرنے اور ہندوستان کو نئی ٹیکنالوجی کا مرکز بنانے کی صلاحیت ہے۔ بہت سے عوامل ہیں جو مستقبل میں ہندوستان کی ای وی مارکیٹ کی ترقی میں حصہ ڈال رہے ہیں۔
مزید پڑھیں: Noida International Airport نوئیڈا بین الاقوامی ہوائی اڈے کی ترقی میں اہم پیش رفت
اس کے علاوہ، چودہ ستمبر کو نقل و حمل کے مستقبل (ای وی اور متعلقہ صنعتوں) پر ایک قومی سیمینار کا بھی انعقاد کیا گیا۔ جس میں ای وی انڈسٹری کو درپیش چیلنجز اور برقی نقل و حرکت کے مستقبل پر تبادلہ خیال کیا گیا۔ دنیا بھر سے ماہرین اور صنعت کے رہنماؤں نے شرکت کی۔ اس سیمینار نے مقررین کو آٹو موٹیو انڈسٹری پر بات کرنے کا موقع فراہم کیا۔ غور طلب ہو کہ اس کا بنیادی مقصد لوگوں کے لیے نقل و حمل کے موثر ذرائع فراہم کرتے ہوئے آلودگی کو کم کرنا ہے۔
