اترپردیش کے ضلع اٹاوہ میں پولیس نے سیول لائن پولیس علاقے سے گاڑی سوار بین ریاستی اسمگلر گروہ کے چھ اراکین کو گرفتار کر کے ان کے قبضے سے 170 پیٹی شراب برآمد کیا ہے۔ ضبط شراب کی قیمت 20 لاکھ روپئے بتائی جاتی ہے۔
پولیس سپرنٹنڈنٹ آکاش تومر نے بتایا کہ ایس او جی اور سیول لائن پولیس نے مشترکہ کاروائی کرتے ہوئے چیکنگ کے دوران گاڑی سوار بین ریاستی شراب اسمگلر گروہ کے چھ افراد کو اٹاوہ باشندہ گورو کمار، سنجے سنگھ، مین پوری باشندہ پرشانت، شیام ویر سنگھ کے علاوہ ہریانہ کے سونی پت باشندہ تیج پال کشیپ اور جودھ پور(راجستھان)باشندہ رمیش کو گرفتار کیا ہے۔ ان کے قبضے سے 170 پیٹی شراب اور دو موٹر سائیکل برآمد کی گئی ہے۔
انہوں نے بتایا کہ گرفتار ملزمین نے پوچھ گچھ میں بتایا کہ برآمد شراب ہریانہ سے کم دام پر خریدنے کے بعد بوتلوں میں فرضی ریپر اور ڈھکن بدل کر زیادہ قیمت میں فروخت کرنے کا کام کرتے ہیں۔ اس سلسلے میں معاملہ درج کر گرفتار ملزمین کو جیل بھیج دیا گیا ہے۔
