ریاست اُترپردیش کے ضلع مظفر نگر کے تھانہ سول لائن علاقے میں رڑکی روڈ پر واقعے بحما نیڑے رجواہے کے پاس چیکنگ کے دوران، دو بائک سوار شرپسندوں کو پولیس نے روکنے کا اشارہ کیا۔
اسی دوران پولیس ٹیم پر فائرنگ کر کے بدمعاشوں نے بھاگنے کی کوشش کی، پولیس نے بھی جوابی کارروائی کرتے ہوئے فائرنگ کی جس میں آس محمد نامی بدمعاش جس پر 15 ہزار کا انعام ہے پولیس کی گولی سے زخمی ہو گیا۔
پولیس نے زخمی بدمعاش کے قبضے سے 1 موٹر سائیکل ، 1 طمنچہ اور 2 کارتوس برآمد کیا ہے۔
اس پر قتل، گئو کشی کے علاوہ کئی مقدمے پہلے سے درج ہیں اور اس پر 15 ہزار کا انعام بھی رکھا گیا تھا۔
جب کہ تصادم کے دوران زخمی ہونے والے بدمعاش کا دوسرا ساتھی بھاگنے میں کامیاب رہا۔
پولیس نے مفرور بدمعاش کو گرفتار کرنے کے لیے جنگلوں میں کومبنگ کی لیکن بدمعاش فرار ہوگیا ۔
اسی دوران پولیس نے زخمی بدمعاش آس محمد کو علاج کے لیے ضلع اسپتال میں داخل کرایا۔
