نوئیڈا میں آٹھ سالہ بچی کے ساتھ جنسی زیادتی، ملزم گرفتار

نوئیڈا میں پولیس اور انتظامیہ 'مشن شکتی' کے تحت خواتین اور لڑکیوں کے تحفظ کے لیے مسلسل بیداری و تشہیری مہم چلا رہی ہے لیکن یہ سب بے سود ثابت ہوتا نظر آرہا ہے۔

اترپردیش کے گریٹر نوئیڈا کے سورج پور تھانہ علاقہ میں ایک آٹھ سالہ بچی کے ساتھ ایک 28 سالہ شخص نے جنسی زیادتی کی جسے پولیس نے کافی مشقت کے بعد گرفتار کرلیا پے۔

وومن سیکورٹی ڈی سی پی ورندا شکلا نے بتایا کہ آٹھ سالہ بچی اپنے گھر کی چھت پر اپنے بھائی کے ساتھ کھیل رہی تھی تبھی ایک سونو نامی شخص آیا اور بچی کو ساتھ لے جا کر اس کے ساتھ زیادتی کی۔

فی الحال پولیس نے کیس درج کرلیا ہے اور متاثرہ بچی کو میڈیکل کے لیے روانہ کردیا گیا ہے۔

نوئیڈا میں رات میں بھی خواتین پولیس گشت کر رہی ہے لیکن یہ تمام کوششیں بے اثر اور بے سود ثابت ہو رہی ہیں۔ غیر انسانی اور درندگی کے واقعات پہلے کی طرح رونما ہو رہے ہیں اور اب یہاں معصوم بچیاں بھی محفوظ نہیں ہیں۔