ریاست اترپردیش کے بریلی میں ایک مقامی رہنما اور اس کے بیٹے نے ای رکشہ ڈرائیور کو پیٹ پیٹ کر قتل کر دیا جس کے بعد پولیس نے معاملے میں کاروائی کرتے ہوئے تین ملزمین کو حراست میں لیا ہے۔
اطلاعات کے مطابق بریلی شہر کے تھانہ بِتھری چین پور کے موضع نریاول سڑک پر سامنے سے آرہی ای رکشہ نے مقامی رہنما شاکر عرف مُنّے انصاری کے بیٹے ناظم انصاری کے پیر چڑھ گیا ۔
جس کے بعد ای رکشہ کے ڈرائیور فرض الدین کو ناظم انصاری نے جم کر پیٹا جس سے وہ شدید طور پر زخمی ہوگیا، مقامی لوگوں نے فرض الدین کو علاج کے لئے پرائیویٹ ہسپتال میں داخل کرایا جہاں اُس کی موت ہو گئی۔
اس تعلق سے آج رضا ایکشن کمیٹی کے کارکنان نے مقتول فرض الدین کے لواحقین سے ملاقات کرکے تعزیت پیش کی اور گیارہ ہزار روپے امداد کے طور پر دیئے۔
رضا ایکشن کمیٹی کی یوتھ ونگ کے قومی صدر عبد اللہ رضا قادری، کمیٹی کے عہدے داران اور کارکنان کے ساتھ مل کر لواحقین کو صبر و ضبط سے کام لینے کی اپیل کی اور مقتول کے بچّوں کے سر پر ہاتھ رکھ کر تعزیت پیش کی۔
